არსებობს გრიპის ვირუსების ოთხი ტიპი: A, B, C და D. 
A და B ტიპის გრიპის ვირუსები თითქმის ყოველ ზამთარს მსოფლიოში სეზონურ ეპიდემიას იწვევენ (ცნობილია როგორც გრიპის სეზონი).

A ტიპის გრიპის ვირუსი ერთადერთია, რომელიც ცნობილია გრიპის პანდემიის გამომწვევ მიზეზად. პანდემია შეიძლება მოხდეს, როდესაც ჩნდება ახალი, განსხვავებული გრიპის ვირუსი, რომელიც აინფიცირებს ადამიანებს, ეფექტურად ვრცელდება მოსახლეობაში და რომლის მიმართაც ადამიანებს ძალიან მცირედ ან საერთოდ არ აქვთ იმუნიტეტი.

B ტიპის გრიპის ვირუსები, გენეტიკური და ანტიგენური თვისებების მიხედვით, შედარებით ნელა იცვლება, ვიდრე A გრიპის ვირუსები, განსაკუთრებით კი H1N1 ვირუსები. გრიპის ეპიდზედამხედველობის მონაცემები ბოლო წლების განმავლობაში აჩვენებს, რომ მთელ მსოფლიოში გრიპის ვირუსების ორივე შტამი ერთობლივად ცირკულირებს.

C ტიპის გრიპის  ვირუსი, როგორც წესი, მსუბუქად აავადებს ადანიანს და არ იწვევს ეპიდემიებს.  D ტიპის გრიპის ვირუსები კი, ძირითადად აზიანებს პირუტყვს და სხვადასხვა ცხოველზე ვრცელდება, თუმცა არ არის ცნობილი, აინფიცირებს თუ არა ადამიანებს ან ხდება თუ არა ავადმყოფობის გამომწვევი მიზეზი.

ამჟამად ცირკულირებადი გრიპის A(H1N1) ვირუსები დაკავშირებულია 2009 წლის H1N1 პანდემიასთან. ეს ვირუსები, რომლებიც მეცნიერულად ცნობილია როგორც “A(H1N1)pdm09” ან ზოგადად “2009 H1N1”, განიცდიან გენეტიკურ და ანტიგენურ ცვლილებებს და მას შემდეგ აგრძელებენ სეზონურად ცირკულირებას მთელ მსოფლიოში.

ვირუსების დიფერენცირებას განსაკუთრებული მნიშვნელობა ენიჭება დაავადების დაწყებიდან 1-2 დღეში, ვინაიდან შემდგომი მკურნალობის ტაქტიკა სწორედ ამაზეა დამოკიდებული. ეს განსაკუთრებით მნიშვნელოვანია წლამდე ბავშვებში, ხანდაზმულ პირებში და ქრონიკული დაავადებების მქონე პაციენტებში. ამიტომ სწრაფი ტესტი A, B და COV-19 ვირუსებზე მნიშვნელოვნად დაგეხმარებათ დროული დიაგნოსტიკისთვის, გართულებების თავიდან ასაცილებლად და შესაბამისი სამედიცინო დახმარების მისაღებად.